Síminn/Míla munu ekki styðja við uppbyggingu á IP neti á landsbyggðinni

Nú kristallast þau hrikalegu mistök Sjálfstæðisflokksins að hafa selt grunnnetið með Landsímanum á sínum tíma.  Ljósleiðaranetið hringinn í kringum landið mun ekki nýtast til þess að byggja upp IP-netið á landsbyggðinni skv. úrskurði Póst- og fjarskiptastofnunar. 

Þá liggur ljóst fyrir að leggja þarf nýtt ljósleiðaranet um landið sem kostað er af Fjarskiptasjóði.  Ljósleiðarnet sem öll fjarskiptafyrirtæki nema þá Síminn/Míla hefðu aðgang að. Upplagt væri að byrja á því að leggja ljósleiðara í alla grunnskóla landsins t.d. 1 Gbit samband per skóla fyrir árslok 2011.   Út frá þessu neti væri lagður ljósleiðari að öllum loftnetsmöstrum í landinu þ.a. auðvelt væri að fá öfluga tengingu fyrir þá sem vilja bjóða upp á þráðlaust netsamband fyrir landsbyggðina að lágmarki 10 Mbit samband per heimili.  Núverandi áætlanir um að styrkja 3G gsm net símans til að bjóða upp á "háhraðasamband" er í besta falli hægt að kalla bráðabrigðalausn til tveggja ára.

Í framhaldinu yrði lagður ljósleiðari heim á hvern bæ fyrir árið 2020 þar sem boðið yrði upp á 100 MBit tengingu per heimili.   

Ekki fallist á kröfu Hringiðunnar